Revival eo ilo Marshall Islands – 1964

Elon ien Anij ej “rubrube” mour ko an kajojo armej im Eklesia eo non an karuj ir. Revival ej kokal iakwe eo mokta nan Ri-Chirstian ro einwot an Jesus kenono kake ilo Matthew 22:37  Ej walok ilo makutkut im kenono ko an rijerawiwi – ro rejjab tomak ilo Anij.

Isaiah 57:15 “Na ij Anij eo eutiej im ekwojarjar, eo ej mour non indrio. Ij jokwe ilo juon jikin eo euiej im ekwojarjar, im ij bareinwot jokwe ibben armij ro etta burueir im rej ukwelok, bwe in maron koberan burueir im kokal kojatdrikdrik ko air.” 

Jerbal 3:19 ej kenono kin “ien kokal eo ej itok jen aibojwoj eo an Anij.” 

Psalm 85:6 “Kwon jouj im kokal am kajur, im kim, ro drom, naj nebar yuk.”

Iroij ear loe tok aelon in Majol ilo ien revival eo ekar bok jikin ilo 1964. Jetob Kwojarjar ekar boktok juon ruj im kokal iakwe eo moktata nan eklesia eo im ro rekkar jab tomak rekkar itok non aelon in Kin eo an Anij. 

Rijikuul ro rekar ajeded ilo mweo im make lak iair. Ien jar ko rekar aikuij komman ilo juon melaaj eo im Calvary Bible Institute ej bed ie kiio ioon Laura Village. Rijikuul ro rekar ajeded ilo melaaj eo ilo aer kwalok an rub burueir ilo aer kemjalal aolep bon mae ien eo ejelet bukon eo. Jetob Kwojarjar ekar buke im wie buruon armej im kabijuknen ko aer ilo bukon eo. Armej rekar koba tok ibelakin melaaj eo non aer lale an “rub” buruon rijikuul ro. Anij ekar unir buruon elon im rekar jino aer kemjalal iumwin kajur an Jetob Kwojarar. Ien jar eo ekar bok jikin iumwin 3 raan likio ilo melaaj eo. Mweo ekar obrak kin armej ro rej bukot uak non mour ko aer im konan oktak jen komman ko aer. 

Iumwin 18 allon, Majuro ekar obrak kin emakut an Jetob Kwojarjar. Ij tomak bwe elon lak jen juon taujin armej rekar oktak ilo aelon jidrikdrik eo iumwin juon im jimattan yiio. Kwelok ko rekkar jab bok jikier, ejjelok rikenono, ak jar im nebar wot kab emakut an Anij ekkar bok jikin ien eo. Elon raan ko kem ear aikuij baptais buki im taujin ritomak ilo iar in Majuro. 

Sam ekar kenono ilo kwelok eo jinoin tata nae etan Good New Crusades ilo aelon in Truk, Yap, im Palau ilo itu jab eo juon nae etan Caroline Islands. Vision eo nan Rimajol ilo Mission, ekkar jinoe bedjaak e aelon in Majol ilo 1968. Ri-Christian ro ilo Majol rekkar jinoe lelok im tobar $8,000 nan aer wia bicycles, loon ko, im korkor ko non tobar aelon ko jet. Ilo kwelok eo an youth ilo yiio eo kein karuo, rekkar jinoe kobajet non aer maron jiloklak missionary in Majol, ro jinoin tata non aelon in Mariana.

Ekkar juon enjake elap an emmon ilo am kar ron repoot ko rekaal kin an laplak an Gospel eo ajeded. Ien jar ko am rekkar obrak kin anjo.

Ilo an laplok im wonmaanlok jerbal in Pentecost revival eo ilo Micronesia, ekar wor juon radio station ekar bellok non Sam Sasser ilo 1964. Ilo an kar kwalok ilo kajin Majol kajojo wiik, ekkar kadrel armej in Majol im komman menin an bellok kojem ko non e.

Sam ekkar jako ilo 1995 im bamle eo an ekkar bok menono eo an non aelon in Majol einwot an kar konan bwe en kwalok iakwe eo an non armej in Majol.

Sam Sasser ekkar je menin:  

Pentecost ekkar jinoe ilo Micronesia ioon Majuro ilo Majol im ekar mokaj an ajeded. Unin an kar lap an ajeded kinke ekar ukot mour ko an armej, kokajur ir ilo Jetob Kwojarjar.

Obrak an Jetob Kwojarjar ekar ijino ilo 1964, elikin 3 yiio ke Sasser ekar tobar tok Majol. Ilo October 18, elikin katakin in jota, ekar wor juon eddro in jar ioon juon kumi in rijikuul 22 uwair elap mok ibbeir, bwe rekar jerbal kin cement jen jibon nan bon. Boro ko rerub rekar bukot turin mejen Anij ien eo. Ekar bok jikin ilo nabojin kabijuknen eo an Ajidrik Bien eo im rekar lelok non bamle eo an Sasser bwe ren jokwe ie.

Linfield Crowder ekar juon iaan Evangelists ro jinoin rekkar koba lak ibben baamle eo an Sasser ilo aer kommon kwelok. Anij ekar lap an kojerbal Crowder ilo elon yiio ko ilo an etal itok ikotaan aelon ko ilo Pacific. Crowder, Sasser, im John Burke eo ej rikaki in missionary ilo Guam, rekkar loe an Anij lutok an Jetob ioon elon armej ilo Arno. Ien eo ekkar maanje in an Armej koba tok ilo “ien jar” im obrak kin Jetob Kwojarjar.

Naan eo ekar ajeded ibwiljin rijikuul ro im Anij ekar unir elon armej ioon Majuro im rekkar maron driwojlok nan ijoko jet im kwalok naan in Anij. Sam ekar kojerbal korkor ko im waan field trip ko non an maron tobar belaak in Majol. Rijikuul ro rekkar ejaake juon kumi in al im rekkar itoitak im witness im jerbal ilo kajojo aelon. Elon rijikuul rekkar bed wot ilo aelon ko ilikin nan aer erom rikaki non armej ro ilo an jerbal eo an Anij edreklok. 

Wonmaantak non raan kein ilo 2021 ilo an Florence Sasser je naan kein:

1 Corinth 3:9 ej ba non koj, ke “jej ri-jerbal ibben Anij”.... jej jerbal ibben droon im ibben Anij. Elon rar wujleplok ir make nan aer jerbal, missionary ro jen Majol kab Amedka jimor rekkar bok konaer ilo an kar Anij emakut ilo Majol im komman bwe naan eo en ajeded non aelon ko likin. Ijjab maron kolaajrak etan aolep ro rekkar bok konaer botaab ewor ro rekkar jerbal ibbem im wonmaanlok kin jerbal eo elikin am kar emakut jen Majol ilo 1970. Kom ro im komij lale bwebwenato jidrikdrik in kin revival eo im kwar bok konaam, kwojela won kwe. Iroij enaj lewaj jinekjej non eok ilo am kalle ilo jerbal ko am non indreo. 

Rainin ewor taujin armej rej bed wot ilo aer iakwe Jesus im “jerbal e ministry ko kajojo.” Ewor buki rikaki ro im ritel ro rej kajutak eklesia, katakin, im komman ri-kalor.

Non melele ko rekaal rainin, jouj im lale iumwin naan kein “Florence Sasser” Section eo,  ilo Pacific Mission Outreach website.